Самбочылар да уңышка иреште

Шул көннәрдә Чистайда Бөек Ватан сугышында Җиңүнең 67 еллыгына багышланган самбо буенча турнир (исәп буенча 25 нче) үтте.

Анда Татарстаннан иң яхшы самбочылар, республиканың күп кенә шәһәр һәм районнарыннан вәкилләр катнашты. Шулай ук ДЮСШ тренеры Александр Скворцов укучылары да катнашты. Бу юлы да алар ярышлардан призлар белән кайттылар. Александр Крайнов 50 килограммга кадәрле авырлык категориясендә өченче урынны алды. Валерий Сулбаевка да бәхет елмайды, 85 килограммга кадәрле авырлык үлчәмендә ул да өченче призер булды. Аларның икесе дә Сөнчәле мәктәбе укучылары.