Очрашулар темасы – баскетбол

Ярышларны 1998-1999 елларда туган баскетболчылар ачты. Беренче көнне мәйданчыктагы очрашулар егетләр һәм кызлар арасындагы ярышларда бертөрле нәтиҗәләр китерде: 1 урында Иске Мокшино мәктәбе, 2 урында - 3 нче Аксубай урта мәктәбе, өченчедә - Иске Ибрай урта мәктәбе командалары. Кызлар дружиналары арасындагы кискен көрәштә 3 нче номерлы Аксубай урта мәктәбе укучылары көндәшләренә җиңүгә шанс калдырмадылар, ә инде Иске Үзи кызлары, финалда искемокшинолыларны өченче позициядә калдырып, икенче баскычны яуладылар.

Аннан соңгы көннәрдә дә ярышлар шулай ук эмоциональ үтте. 2002-2003 елларда туган спортчылар арасында призлы урыннар түбәндәгечә билгеләнде: 1 урында - искемокшинолылар, икенчедә - 2 нче Аксубай урта мәктәбе, өченчедә - Иске Үзи командасы. Беренчелектә катнашучы иң яшь спортчылар арасында (2003-2004 елда туучылар) финалда искемокшинолылар җиңде. Икенче баскычта -Сөнчәле, өченчедә - 3 нче Аксубай мәктәбе командасы. Кызлар командалары арасында Иске Ильдеряк мәктәбе вәкилләренә тиңнәр булмады. Искеибрайлылар икенче урынны алдылар, ә инде 3 нче Аксубай урта мәктәбе спортчылары өченче урынга лаек булды.