Өлкәннәр һаман сафта

Чистайда үткән шахмат-шашка зона ярышында безнең пенсионерлар командасы тулы составта булмавына да карамастан, өченче урынны яулады.

Турнирга ике ир-ат шахматчы урынына бары тик Михаил Водышев кына бара алды. Ул командага дүрт очко китерсә, Ирина Крюкова өч очко җыйды. Шашка буенча ярышта ветеран-педагог Геннадий Горбатов команда копилкасын 4,5 очко белән тутырса, Елена Прокопьева - өч очко китерде. Аксубайлыларны биш кешелек тулы команда белән чистайлылар һәм спаслылар гына 18 очко белән җиңде.