Кабат – җиңүче

Иске Ибрай урта мәктәбе укучысы Айрат Шәрифуллин 2000 елда туган малайлар арасында чаңгы ярышлары буенча республика ярышларында беренче урынны алды.

Айрат республика дәрәҗәсендә беренче тапкыр гына җиңүгә ирешми. Ул үткән ел да әлеге ярышларда җиңү яулады.
Малайлар белән физкультура укытучысы Рәис Бикушев шөгыльләнә. Педагог билгеләп үткәнчә, Айрат максатка омтылучан үсмер. Бу сыйфат аңа укуында уңышларга ирешүдә дә ярдәм итә.
Әлеге чаңгы ярышларында шул ук мәктәп укучысы Рәфис Бикушев дүртенче урынны алды.