Җиңүгә үҗәтлек белән ирешәләр

Республика чемпионнары Татарстан данын ПФО беренчелегендә яклаячак. Сергей Овчинниковка, Рәзилә Хәмитовага һәм Ильвира Салаховага республика җыелма командасы составына керү бәхете елмайды. Алар үзләренең авырлык категориясендә җиңүгә ирештеләр. Михаил Горожанкин - икенче урынны, Владимир Анисимов өченче урынны яулады. Самбочыларның уңышларына күнегеп киләбез инде, шулай да һәр җиңү артында тренер һәм спортчыларның даими хезмәте ята. Көндәлек күнегүләр, ата-аналарның ярдәме, борчылуы, үз-үзеңне җиңү һәм үз мөмкинлекләреңне күрсәтә белү - болар зур уңышка илтә торган төп сыйфатлар.