Аксубай районы гаиләләре иң спортлы гаилә исеме өчен көч сынаштылар
24 гыйнвар көнне “Яшьлек ” универсаль спорт залында “Әти, әни, мин – спорт сөюче гаилә!» ярышлары узды.
Аксубайда гаиләләр арасында узган спорт ярышларында иң спортлы гаилә исеме өчен 13 гаилә командасы көч сынашты.
«Монда районның иң яхшы гаиләләре җыелды, анда балаларны тәрбияләү, гаилә кыйммәтләрен тапшыру һәм сәламәт яшәү рәвешенә тарту мөһим компонентлар булып тора», – дип билгеләп үтте мәктәптән тыш эшләр үзәге директоры Николай Еграшкин.
Һәр команда үзе турында тамаша әзерләгән иде, анда артистлык осталыкларын күрсәттеләр. Чара программасына ГТО нормаларын ике норматив буенча тапшыру кертелгән иде.
Әлбәттә инде, бу гаилә бәйгесе җиңелүчеләрне күзалламый. Спорт залына ярышырга килгән һәркем – җиңүче, балигъ булмаган балалар тәрбияләнгән башка гаиләләр өчен үрнәк.
2нче Аксубай мәктәбеннән Лукиннар гаиләсе, максималь балл туплап, җиңүче булды. Икенче урында 1нче Аксубай мәктәбеннән Безруковлар гаиләсе. Өченче урынны 3нче Аксубай мәктәбеннән Ермишкиннар гаиләсе алды. Җиңүчеләр грамоталар һәм медальләр, шулай ук мәктәптән тыш эшләр үзәгеннән һәм Юл хәрәкәте иминлеге фондыннан кыйммәтле призлар алдылар.
Мәктәптән тыш эшләр үзәге директоры Николай Еграшкин һәм ЮХИДИ бүлеге инспекторы Рамил Садыйков җиңүчеләргә призларны тантаналы төстә тапшырдылар. Бәйгенең иң нәни катнашучысы - Яңа Дума мәктәбеннән Ранил Гафиятов, шулай ук Караса мәктәбеннән иң өлкән әти-әни – Гыйматдиновлар призлар белән билгеләп үтелде.
“Әти, әни, мин – спорт сөюче гаилә!” район бәйгесендә катнашкан һәркемгә Мәктәптән тыш эшләр үзәге һәм Юл хәрәкәте иминлеге фондыннан истәлеккә бүләкләр тапшырылды.
Автор фотосы.
Следите за самым важным и интересным в Telegram-каналеТатмедиа
Нет комментариев