Үзарасалым түләнергә тиеш

2018 нче елда халык ярдәме белән, урамнарда яктырткычлар булдырылды, Горький һәм Набережная, урамнарындагы ике җәяүлеләр чыгу  юлы төзекләндерелде, ротор чапкычы сатып алынды. 

– 2019 ел планында да урамнарны яктырту эше каралган,  – дип аңлатты Аксубай бистәсе башлыгы урынбасары Владимир Кононов. – Моннан тыш Аксубайда үзарасалым акчасына  Мазилин, Кирпич заводы (тулай торак белән янәшә), Комлык урамнарында балалар өчен 3 уен  мәйданчыгы төзиячәкбез, Ленин һәм Яшел урамнарны тоташтыручы күпернең күтәртмә-баскычларын төзекләндерәчәкбез. 

Планлаштырган эшләрне бу елда тормышка ашыру өчен, аксубайлыларга 25 нче мартка кадәр үзарасалым акчасын түләргә кирәк.