Аксубаево
  • Рус Тат
  • ЮХИДИ россиялеләргә уртача тизлекне арттырган өчен штраф салудан туктады

    Хокук бозу дәрәҗәсенә карап, штраф 500-5000 сум тәшкил итә иде.

    ЮХИДИ хезмәткәрләре уртача тизлекне арттырган өчен Россиядәге машина йөртүчеләргә парлы камералар ярдәмендә штраф салудан туктады.

    «Хәзерге вакытта кулланыла торган статистик күзәтү формаларында Административ хокук бозулар кодексының тиешле маддәсе буенча хокук бозулар турында белешмәләр юк», — дип белдерделәр Россия Эчке эшләр министрлыгында.

    РИА Новости хәбәр иткәнчә, 2013 елдан башлап Россия юлларында уртача тизлекне беренче камера белән, аннары (берничә чакрымнан яки йөз метрдан) икенче камера белән үлчәү технологиясен куллана башладылар. Кайбер очракларда өч һәм аннан да күбрәк җайланма кулланыла.

    Күпчелек юл комплекслары шушындый алгоритм буенча эшләде.

    Хокук бозу дәрәҗәсенә карап, штраф 500-5000 сумны тәшкил итә.

    Россиядә озак вакытлар дәвамында әлеге чараларның законлы булу-булмавы хакында актив фикер алышулар дәвам итте. Автомобильчеләр юл йөрү кагыйдәләрендә уртача тизлек дигән төшенчә булмавын әйтте.

    Россия Дәүләт Думасында Россия Федерациясенең Административ хокук бозулар кодексына үзгәрешләр кертергә тырышып карадылар, әмма бу уңышсыз тәмамланды. 

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: