Аксубаево
  • Рус Тат
  • Җырга мәхәббәт берләштерә

    Кече Сөнчәле авыл клубының «Тăван кил» (туган йорт) чуаш фольклор коллективы 2016 елда оешкан.

    Беренче көннәрдән үк аның җитәкчесе булып Вера Уканеева тора. Ансамбль составына авыл халкы керә. Катнашучыларның яше 12дән 85 яшькә кадәр. Холыклары, яшьләре, башкару һәм музыкаль осталыклары буенча төрле булган бу кешеләрне дус һәм бердәм коллективка җырга мәхәббәт берләштерә. Аларның күбесе соло һәм төркем вокал белән шөгыльләнә, массакүләм номерлар булдырыла. Соңгы елларда «Парне» ансамбленнән сәләтле яшьләр дә актив кушыла.

    «Тăван кил» коллективы эшләгән еллар эчендә тамашачылар арасында зур популярлык казанды. Артистлар күп кенә район һәм өлкә фестивальләрендә һәм бәйгеләрендә катнашалар, берничә тапкыр төрле дәрәҗәдәге дипломантлар һәм лауреатлар булдылар. 2019 елда «Иң яхшы авыл клубы» республика бәйгесенең финал этабында вокаль ансамбль «Традицияләрне саклаучылар» номинациясендә җиңүче булды.

    Коллективның репертуары бик төрле. Ул 60тан артык төрле әсәрне үз эченә ала, алар даими рәвештә яңартыла, әмма бер өлеше үзгәрешсез кала. Катнашучылар үзләрен төрле вокал жанрларында сынап карыйлар. Аларда җирле җырларның, гореф-гадәтләрнең бай материалы тупланган. Моннан тыш, заманча интерпретациядә автор җырлары да яздырыла. Һәр яңа җыр биюле күчешләр белән “бизәлеп” тора, матур, бай номер барлыкка килә һәм бу тамашачыларга бик тә ошый.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: