Хезмәтләрне тану

Район Башкарма комитеты җитәкчесе Алмаз Мингулов Татарстан Республикасы икътисад министрының Рәхмәт хатын фидакарь хезмәте һәм Аксубай районының социаль-икътисадый үсешенә зур өлеш керткәне өчен Башкарма комитетның икътисад бүлеге җитәкчесе урынбасары Дина Атряскинага тапшырды.

Район Башкарма комитетының Рәхмәт хаты белән күпьеллык намуслы хезмәте һәм Аксубай муниципаль районында җирле үзидарәләрне үстерүгә өлеш керткәне өчен район Советы аппараты җитәкчесе Рәис Галиев бүләкләнде.

Агымдагы атнаның аппарат киңәшмәсе дә шулай ук бүләкләү белән тәмамланды.

Алмаз Мингулов агросәнәгать комплексы системасында намуслы хезмәте, һөнәри осталыгы һәм районның авыл хуҗалыгы тармагын үстерүгә зур өлеш керткәне өчен район авыл хуҗалыгы идарәсенең җитештерү бүлеге өлкән белгече Эльмира Гайнетдиновага гөлләмә һәм Рәхмәт хаты тапшырды.