Аксубаево
  • Рус Тат
  • Узган тәүлектә Татарстанда коронавирусның 25 яңа очрагы ачыкланган

    Пандемия башланганнан бирле республикада коронавирус инфекциясен йоктыруның 7112 очрагы теркәлгән.

    Татарстанда узган тәүлек эчендә Covid-19 авыруының 25 яңа очрагы теркәлгән. Бу хакта Кулланучы хокукларын яклау өлкәсендә күзәтчелек хезмәтенең (Роспотребнадзор) Татарстан Республикасы буенча идарәсе җитәкчесе Марина Патяшина «Татар-информ» мәгълүмат агентлыгында узган матбугат конференциясендә сөйләде.

    «Бүгенге көндә Татарстан Республикасында яңа коронавирус инфекциясе белән зарарлануның 7112 очрагы ачыкланды. Узган тәүлектә республикада 25 яңа очрак теркәлде», — диде ул.

    Баш санитар табиб сүзләренә караганда, республикада коронавируска барлыгы 720 309 ПЦР-тест үткәрелгән. Авырулар белән элемтәгә кергән 658 граждан медицина хезмәткәрләре күзәтүендә тора.

    Татарстан Республикасы сәламәтлек саклау министры урынбасары Владимир Жаворонков тәүлек эчендә 20 кешенең Covid-19 авыруыннан дәвалануы турында әйтте.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: