Аксубаево
  • Рус Тат
  • Укучыларны олы тормыш юлына озаттылар

    Чыгарылыш кичәсе - ул якты тантана, мәктәп укучылары һәм аларның әти-әниләре хәтерендә мәңгегә калачак бәйрәм.

    Шундый якты һәм моңсу бәйрәм Аксубай районының чыгарылыш сыйныф укучылары өчен 26 июньдә булды. Кызлар затлы киемнәре белән балкый, егетләр җитди күренә, ата-аналар да шат. Хәзерге чыгарылыш сыйныф укучыларын хөрмәтләү өчен бистәнең үзәк мәйданына аларның бик күп дуслары һәм халык җыелды.

    Аксубай районының 11 нче сыйныфын тәмамлаучы 131 укучы үз гомерендә иң мөһим документларның берсе – урта гомуми белем турында аттестат алдылар. Аксубайның төп мәйданында үткәрелә торган унынчы чыгарылыш балын Аксубай муниципаль районы башлыгы Камил Гилманов ачты:

    – Менә соңгы имтиханнар артта калды, ә алда – мөһим һәм җаваплы вакыт. Сезнең һәрберегезгә, балалар, тормышта күп кенә мөһим адымнар ясарга һәм бик күп җитди карарлар кабул итәргә кирәк, – дип билгеләп үтте ул үзенең котлавында. – Исегездә тотыгыз, Аксубай районына сезнең белемегез, эшкә тугрылык, туган ягыгызга мәхәббәтегез кирәк. Сезгә зур өметләр йөкләнгән, чөнки нәкъ менә сезгә безнең район, республика, Россиянең киләчәген кайгыртырга кирәк! -диде ул.

    Беренче булып сәхнәгә мәктәпне яхшы билгеләренә тәмамлаучыларны чакырдылар. «Укудагы аерым уңышлары өчен» Россия Федерациясенең алтын медальләрен район башлыгы кулыннан 17 укучы алды: Болар: Ләйлә Алембикова, Яна Проглядо, Ульяна Тарасова (В.Ф. Тарасов исемендәге Иске Мокшино урта мәктәбе укучысы), Рафис Бикушев, Фирүзә Ганеева, Гөлүсә Хөсәенова (Иске Ибрай урта мәктәбе), Наталья Васильева, Марина Лаврентьева, Ангелина Миронкина (АСШ №3), Кристина Титова, Влада Крайнова (Иске Үзи урта мәктәбе), Алина Игушкина, Артур Ключников (В.Г. Тимирясов исемендәге 1 нче санлы Аксубай урта мәктәбе), Даниил Казаков (АСШ №2), Анна Чубурова ( Г.Г. Романов исемендәге Кәкре Күл урта мәктәбе), Ильсур Сафиуллин (Иске Татар Майнасы урта мәктәбе), Ксения Илюхина (Савгач урта мәктәбе).

    Республика, Бөтенроссия олимпиадаларында призлы урын яулаган өчен район башлыгы грантына сертификатлар һәм БДИда югары нәтиҗә күрсәткән өчен грамоталар белән Михаил Горожанкин, Кристина Титова, Наталья Васильева, Рафис Бикушев, Ләйлә Алембикова, Аксубай районында дәүләт яшьләр сәясәтен үстерүгә керткән өлеше өчен Йосыф Рәфыйков (В. Г. Тимирясов исемендәге 1 нче санлы Аксубай мәктәбе укучысы) бүләкләнде.

    Төрле фәннәр буенча БДИ нәтиҗәләренең 50 проценттан артыгы югары баллга ия. 67 укучы 80 баллдан артык, 17 укучы 90 нан артык балл җыйды. Барлык югары балл җыючылар да мәгариф бүлегенең Мактау грамоталары белән бүләкләнделәр. Рәхмәт хатлары белән аларның әти-әниләре дә билгеләп үтелде.

    Чыгарылыш балы - ул барлык ата-аналар өчен аеруча кадерле чара. Лариса Горожанкина ата-аналар исеменнән сәламләү сүзләре белән чыгыш ясады: - Кадерле, чыгарылыш сыйныф укучылары! Алда сезне олы тормыш һәм һөнәри юл сайлау көтә. Сезнең барлык планнарыгыз һәм хыялларыгыз тормышка ашсын, игелекле эшләрдә уңышлар телим, - дип ул педагогик коллективларга да рәхмәт белдерде, чөнки алар балалар белән үз вакытларының күп өлешен үткәрәләр. Ул шулай ук район башлыгына районыбызның чәчәк атуы өчен керткән зур хезмәтләре өчен рәхмәт сүзләрен җиткерде.

    Бәйрәм кичәсе район Мәдәният йорты вокалчылары чыгышлары белән тагын да яктырак булды.

    Бүләкләүләр алга таба да дәвам итте.ГТО комплексының алтын медале белән Данил Алексеев, Кирилл Баглай, Дмитрий Миронов, Анастасия Камшилова, Руслан Нургатин, Камил Рәфыйков, Мария Таирова; көмеш медаль белән Михаил Горожанкин, бронза медаль белән Владислав Ермолаев бүләкләнде.
    50 дән артык бала сәхнәгә чакырылды һәм район һәм республика ярышларында физик культура һәм спорт өлкәсендә югары нәтиҗәләргә ирешкәннәре, конкурс һәм концертларда, китапханә чараларында уңышлы һәм актив катнашканнары, волонтерлыкхәрәкәтен үстерүгә зур өлеш керткәннәре өчен Рәхмәт хатлары һәм грамоталар белән билгеләп үтелде.

    Бәйрәм финалында соңгы мәктәп вальсы яңгырады, анда кичәге мәктәп укучылары парлы бию башкардылар. Аннан соң балалар элеккеге сыйныфташлары, әти-әниләре һәм дуслары белән фотога төштеләр.

    Алар 11 ел шушы көнгә барды. Хәзер аларның һәрберсенең кулларына аттестат һәм туган мәктәпләре һәм яраткан укытучылары белән хушлашу вакыты. Чыгарылыш сыйныф укучылары олы тормыш алдында. Аның никадәр лаеклы һәм яхшы булуы үзләренә бәйле. Алда - мәктәп укучыларының уку йортларына керү һәм алар ирешергә теләгән күп санлы максатлар тора. Аларга уңышлар телик!

    Фотоларны фотогалерядан карагыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: