Үткәннәр киләчәк өчен кирәк

Бу мәдәният учреждениесе бөтен республикада билгеле. Авыл клубы – «Иң яхшы клуб һәм авыл мәдәният йорты» республика бәйгесендә «Йолаларны саклаучылар» номинациясендә дипломант булды. Клуб мөдире Вера Уканеева үз тирәсенә талантлы, актив, инициативалы, чын мәгънәдә үз эшләренә тугры кешеләрне җыйган.

Бу авыл кешеләре борынгы чуаш җырларын башкаралар, милли йолаларны бөртекләп торгызалар. Клубта авыл тарихы, нәсел шәҗәрәләре турында материаллар тупланган. Үзешчән коллектив ата-бабаларыбыздан калган йолаларны, җырларны, мотивларны яңарта.

–Милли гореф-гадәтләрне саклап калу авылыбызның яшь буыны өчен аеруча мөһим, – дип сөйли Вера Уканеева. – Ата-бабаларыбыз мәдәнияте тәрбияли, әхлакый кыйммәтләрне ача.

Фото: Кече Сөнчәле авыл клубы архивыннан