Аксубаево
  • Рус Тат
  • Түбән Кама янында бер ир-ат, суга төшкән кармагын алам дип, батып үлгән

    38 яшьлек ир-атның мәетен яр буеннан 50 метр эчтәрәк өч метр тирәнлектән табып алганнар.

    Түбән Кама янында бер ир-ат, суга төшкән кармагын алам дип, батып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

    «Кичә Зәй елгасында Борок торак пункты тирәсендә коткаручылар яр буеннан 50 метр эчтәрәк өч метр тирәнлектән 38 яшьлек ир-атның табып алган», - дип искәрттеләр ведомствоның матбугат хезмәтендә.

    Мәрхүмнең дуслары хәбәр иткәнчә, алар Зәй елгасында балык тоткан. Кайсыдыр мизгелдә ир-ат елгага кармагын төшереп җибәргән һәм аны алам дип, сумга чумган, әмма кире йөзеп чыкмаган.

    Коткаручылар ир-атның мәетен яр буена алып чыгып, полиция хезмәткәрләренә тапшырган.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: