Аксубаево
  • Рус Тат
  • Татарстанда узган тәүлектә коронавирус инфекциясе йоктыруның 71 яңа очрагы теркәлгән

    24 кеше хастаханәгә озатылган, калганнары өендә дәвалана.

    Татарстанда узган тәүлектә яңа төрдәге Covid-19 коронавирус инфекциясе йоктыруның 71 яңа очрагы теркәлгән. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде.

    «70 кеше инфекцияне Татарстан территориясендә эләктергән, берсе генә чит илдә йоктырып кайткан», - дип искәртте спикер.

    Аларның 24е хастаханәгә озатылган, калган 47 кеше өендә дәвалана. Әлеге пациентларда авыру симптомнарсыз һәм җиңел формада уза.

    Коронавирус инфекциясе йоктыручыларның күбесе (45 кеше) Казанда ачыкланган.

    Эпидемия башланганнан алып Татарстанда яңа төрдәге Covid-19 коронавирус инфекциясенең барлыгы 2546 очрагы теркәлгән.

     

     

    Чыганак: tatar-inform.tatar

    Фото: Рамил Гали

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: