Аксубаево
  • Рус Тат
  • Татарстанда узган тәүлектә 52 кеше коронавирус йоктырган

    Инфекцияле кешеләр арасыннан 13 кеше хастаханәгә урнаштырылды.

    Татарстанда тәүлек эчендә Covid-19 коронавирусы белән зарарлануның 52 яңа очрагы ачыкланган. Бу хакта ТР Президенты матбугат хезмәте җитәкчесе Лилия Галимова хәбәр итте.

    «Унөч кеше хастаханәгә урнаштырылды, 39ы өйдә дәвалана», — дип билгеләп үтте агентлыкның әңгәмәдәше.

    18 яшьтән 30 яшькә кадәр - 11 кеше, 22се — 30дан 50 яшькә кадәр, унысы — 50дән 60 яшькә кадәр, җидесе — 60тан 70 яшькә кадәр һәм икесе — 70тән 80 яшькә кадәр.

    Инфекция йоктыручыларның күбесе Казанда яшәүчеләр - 23, Чаллыда — 15, Яшел Үзән һәм Түбән Кама районнарында — өчәр кеше.

    Эпидемия башланганнан алып Татарстанда яңа төрдәге Covid-19 коронавирус инфекциясе йоктыруның 3504 очрагы ачыкланган, дип билгеләп үтте Галимова.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: