Аксубаево
  • Рус Тат
  • Татарстанда узган тәүлек эчендә 200 кешедә Covid-19 ачыкланган

    2022 елның 6 маена булган мәгълүматлар буенча, республикада пандемия башланганнан бирле 145 861 авыру очрагы рәсми рәвештә расланган.

    Татарстанда Covid-19 белән авыруның 200 яңа очрагы теркәлгән. Авырулар арасыннан 94 кешене хастаханәгә салганнар. Стопкоронавирус.рф сайтында шундый мәгълүматлар урнаштырылган.

    2022 елның 6 маена булган мәгълүматлар буенча, республикада пандемия башланганнан бирле 145 861 авыру очрагы рәсми рәвештә расланган. Татарстанда яшәүче 139 961 кеше савыккан, узган тәүлектә 209 кеше сәламәтләнгән .

    Төбәктә бер көн эчендә SARS-CoV-2 вирусы китереп чыгарган чирдән үлүнең бер генә очрагы да теркәлмәгән. Республикада коронавирустан вафат булган дип билгеләнгән кешеләрнең гомуми саны – 1986.

    Шул ук вакытта, Росстат мәгълүматлары буенча, ковидтан үлүчеләрнең теркәлгән һәм теркәлми торган саны арасындагы аерма федерациянең күпчелек субъектларында күзәтелә.

    Татарстан Президенты Рөстәм Миңнеханов хезмәт коллективларында, белем бирү учреждениеләрендә һәм транспортта эпидемиягә каршы таләпләрне катгый үтәүне тәэмин итәргә чакырды. Татарстан хакимиятләре битлек режимын гамәлдән чыгарырга җыенмый.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: