Аксубаево
  • Рус Тат
  • Татарстанда соңгы тәүлектә коронавирус инфекциясе йоктыруның 103 яңа очрагы теркәлгән

    Эпидемия башланганнан алып республикада коронавирус инфекциясенең 12 586 очрагы ачыкланган.

    Татарстанда соңгы тәүлектә Covid-19 коронавирус инфекциясе йоктыруның 103 яңа очрагы ачыкланган. Бу хакта ТР Сәламәтлек саклау министрлыгының матбугат хезмәте хәбәр итә.

    «Бер кеше чирне читтә йоктырып кайткан, калганнары вирусны башка авырулар белән аралашу нәтиҗәсендә эләктергән. 18 кеше хастаханәгә озатылган, 85 кеше өендә дәвалана», - диелә ведомство хәбәрендә.

    Инфекция йоктыручыларның күбесе 30-50 (37 кеше), 60-70 (23 кеше) һәм 50-60 яшь (20 кеше) аралыгында ачыкланган. 11 пациент — 70-80, тугызы - 18-30 яшьтәгеләр, өчесе – балигъ булмаган бала.

    Коронавирус йоктыручылар саны буенча Казан (51 очрак) һәм Чаллы (13 очрак) шәһәрләре әйдәп бара. Яшел Үзән һәм Саба районнарында – тугызар, Түбән Кама һәм Чистай районнарында – дүртәр, Нурлат районында – өч, Бөгелмә һәм Зәй районнарында – икешәр, Аксубай, Алексеевск, Биектау, Алабуга, Лаеш һәм Тукай районнарында берәр очрак ачыкланган.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: