Татарстанда соңгы тәүлектә 48 кеше коронавирус инфекциясе йоктырган

Татарстанда соңгы тәүлектә Covid-19 коронавирус инфекциясе йоктыруның 48 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.

«22 кеше хастаханәгә озатылган, 26 кеше өендә дәвалана», - диелә ведомство хәбәрендә.

2021 елның 31 августына булган мәгълүматлар буенча, төбәктә пандемия башланганнан бирле авыруның 25 465 очрагы рәсми рәвештә расланган.

Татарстанда барлыгы 993 255 кеше вакцина ясаткан.