Аксубаево
  • Рус Тат
  • Татарстанда коронавирустан тагын ике үлем очрагы теркәлгән

    Үлемнең сәбәбе мәеткә патолого-анатомик экспертиза үткәрү нәтиҗәсендә ачыкланган

    Татарстанда коронавирустан тагын ике үлем очрагы теркәлгән. Бу хакта ТР Сәламәтлек саклау министрлыгының матбугат хезмәте хәбәр итә.

    «Ике очракта да үлемнең сәбәбе мәеткә патолого-анатомик экспертиза үткәрү нәтиҗәсендә ачыкланган», — диелә хәбәрдә.

    27 июльдә 1953 елгы Казан кешесен, яңа төрдәге Covid-19 коронавирус инфекциясе йоктыруда шикләнеп, Республика клиник хастаханәсе базасындагы йогышлы авырулар госпиталенә китергәннәр. Йөрәк-кан тамырлары системасында җитди өзлегүләр барлыкка килү фонында пациентның хәле начарайган, аны үпкәне ясалма җилләндерү — ИВЛ-аппаратына тоташтырганнар. 28 июльдә авыруның йөрәге тибүдән туктаган.

    14 июльдә Урыссу Үзәк район хастаханәсенә 1945 елны ир-атны китергәннәр. Ул ике яклы пневмония һәм йөрәк ишемия авыруының кискен формасыннан интеккән. Тикшергәннән соң аңа «яңа коронавирус инфекциясе» дигән диагноз куйганнар. 20 июльдә пациент үлгән. 

    Чыганак :tatar-inform.tatar

    фото архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: