Аксубаево
  • Рус Тат
  • Татарстанда коронавирустан тагын ике кеше вафат булды

    Республикада коронавирустан вафат булучылар саны 98гә җитте

    Татарстанда тагын ике кеше Covid-19 коронавирусыннан вафат булды. Шулай итеп, республикада Covid-19 инфекциясе корбаннары саны 98гә җитте. Бу хакта Татарстан Сәламәтлек саклау министрлыгы хәбәр итә.

    Вафат булучыларның берсе — Казанда яшәүче 61 яшьлек ир-ат. Аны пневмония диагнозы белән хастаханәгә салган булганнар.

    «Коронавирус инфекциясе лаборатор тикшеренүләр нәтиҗәсендә ачыкланган», — диелә матбугат хезмәте хәбәрендә.

    Шулай ук 1963 елгы хатын-кыз да коронавирустан вафат булган. Аны да пневмония диагнозы белән хастаханәгә яткырганнар. Хроник авырулар кискенләшү аркасында пациентның хәле начарланган. Covid-19 инфекциясен патолого-анатомия экспертизасы ачыклаган.

    Узган тәүлектә июнь аеннан башлап республикада беренче тапкыр коронавирусның кырыктан артык яңа очрагы ачыкланды. Шуңа да карамастан, Татарстан авыручыларның тәүлеклек үсеше иң аз булган Россия төбәкләре өчлегенә керә. 

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: