Аксубаево
  • Рус Тат
  • Татарстанда коронавирусның 28 очрагы теркәлгән, ике кеше чирне читтә йоктырып кайткан

    Инфекция йоктыручыларның күбесе Казанга туры килә – 13 кеше.

    Татарстанда коронавирус инфекциясенең 28 яңа очрагы ачыкланган, ике кеше чирне читтә йоктырып кайткан. Татарстанда яңа төрдәге Covid-19 коронавирус инфекциясенә каршы көрәш буенча оператив штаб Instagram социаль челтәрендәге үз сәхифәсендә шул хакта хәбәр итә.

    «7 кеше хастаханәгә озатылган, 21е өендә дәвалана», - диелә хәбәрдә.

    Инфекция йоктыручыларның күбесе 30-50 яшь (10 кеше) һәм 60-70 яшь (8 кеше) аралыгында теркәлгән. 70-80 яшь аралыгында һәм 90 яшьтән өлкәнрәкләр категориясендә берәр кеше ачыкланган.

    Инфекция йоктыручыларның күбесе Казанга (13 кеше), ә районнар буенча Сабага (дүрт кеше) туры килә.

    Эпидемия башланган алып республикада коронавирус инфекциясенең 6481 очрагы теркәлгән, 5297 кеше (шуларның 39ы – узган тәүлектә) терелгән.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: