Аксубай

Аксубай районы

18+
Рус Тат
2024 - год Семьи
Соңгы яңалыклар

Татарстанда коронавирус инфекциясе йоктырган унҗиденче пациент үлгән

Татарстанда соңгы тәүлектә коронавирус инфекциясе йоктыруның 39 яңа очрагы ачыкланган, 38 кеше терелгән.

Татарстанда Covid-19 коронавирус инфекциясе йоктырган унҗиденче пациент үлгән. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

Аның сүзләренчә, 1951 елгы Чаллы кешесен 5нче шәһәр хастаханәсенә китергәннәр. Анда Covid-19 вирусы һәм пневмония нәтиҗәсендә барлыкка килгән коронавирус инфекциясенең уртача-авыр формасы булган. Ир-ат кискен миокард инфаркты кичергән, шулай ук йөрәктә ишемия авыруыннан интеккән. «Пациент 2020 елның 25 июнендә вафат булды. Үлемнең сәбәбе аутопсия нәтиҗәсендә ачыкланды. Туганнары һәм якыннарының кайгысын уртаклашабыз», - диде Галимова.

Татарстанда соңгы тәүлектә коронавирус инфекциясе йоктыруның 39 яңа очрагы ачыкланган. Эпидемия башланганнан алып республикада яңа төрдәге Covid-19 коронавирус инфекциясенең 4673 очрагы теркәлгән. 3510 кеше терелгән, 1145 пациент дәвалануын дәвам итә.

 

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев