Аксубаево
  • Рус Тат
  • Татарстанда кинотеатрлар 15 июльдә ачылмаячак

    Республикадагы кинозаллар чикләүләрне бетерүнең өченче этабында гына эшли башлый.

    Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсендә аңлатуларынча, Татарстанда кинозаллар чикләүләрне бетерүнең өченче этабында гына ачыла. Бу хакта «Татар-информ» корреспондентына Роспотребнадзорның ТР буенча идарәсе җитәкчесе урынбасары Любовь Авдонина хәбәр итте.

    «Өченче этапка ирешкәч тә, ачачакбыз. 15 июль — юк әле», — дип аңлатты ул.

    Элегрәк РИА Новости хәбәр иткәнчә, Россия вице-премьеры Дмитрий Чернышенко Россиядә кинотеатрларның 15 июльдән эшли башлаячагын әйткән иде.

    Премьераларны барлык санитар-эпидемиологик нормаларны үтәп: социаль дистанцияне саклап, тамашачылар һәм персоналның перчаткалары һәм битлекләре булган очракта карап булачак. 

     

    Чыганак: tatar-inform.tatar

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: