Аксубаево
  • Рус Тат
  • Татарстанда кафе һәм рестораннарга төн уртасына кадәр эшләргә рөхсәт иттеләр

    Республика Министрлар Кабинеты карары бүгеннән үз көченә керә.

    Татарстанда җәмәгать туклануы биналарының эш вакытын төн уртасына кадәр озайттылар. Республика Премьер-министры Алексей Песошин ТР Министрлар Кабинетының шул хактагы карарын имзалады.

    Документ бүгеннән үз көченә керә. Шул рәвешле, 15 ноябрьдән башлап кафе, ресторан һәм барлар 23.00 сәгатьтә түгел, ә 00.00 сәгатьтә ябылачак. Шул ук вакытта, җәмәгать туклануы биналары элеккечә үк 6.00 сәгатьтә эшли башлый.

    Үзгәрешләр төбәк территориясендә «санитар-эпидемиологик хәлне һәм яңа коронавирус инфекциясенең таралу үзенчәлекләрен исәпкә алып» кертелде.

    Моңа кадәр Татарстан Президенты Рөстәм Миңнеханов ТР Хөкүмәте йортында узган киңәшмәдә кафе һәм рестораннарга төн уртасына кадәр эшләргә рөхсәт итәргә дигән карарга килүләре турында белдергән иде. 

    Чыганак: tatar-inform.tatar

    Фото Рамил Гали 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: