Татарстанда илкүләм проект кысаларында 530 эшмәкәргә ярдәм күрсәтелгән

2019 елда «Кече һәм урта эшмәкәрлек һәм шәхси эшмәкәрлек инициативаларына ярдәм итү» илкүләм проекты буенча, Татарстанда чит ил базарларына йөз тоткан 530 эшмәкәргә ярдәм күрсәтелгән.

Шул исәптән, 94 компания экспортка эшли башлаган. Әлеге предприятиеләр бүтән илләргә азык-төлек продукциясе, төзлеш материаллары, медицина эшләнмәләре сата.

Кече һәм урта эшмәкәрлек субъектларын ташламалы финанслар белән тәэмин итүгә — 935 миллион сум, ә гарантияле ярдәм буларак 1,4 миллиард сум юнәлдерелгән.

Моннан тыш, 2019 елда Татарстанда 60 меңнән артык кеше үзмәшгуль булып теркәлгән.

Чыганак: "Татар-Информ" мәгълүмат агентлыгы