Аксубаево
  • Рус Тат
  • Татарстанда беренче сыйныфка укырга керү өчен гаризалар кабул итүнең икенче этабы башлана

    Татарстанда 6 июльдән мәктәпкә беркетелгән территориядә яшәмәүче балалардан беренче сыйныфка укырга керү өчен гаризалар кабул ителә башлый.

    Кабул итү буш урыннар тулганчы булачак, әмма 5 сентябрьдән дә соңга калмыйча уздырылачак, дип хәбәр итә ТР Мәгариф һәм фән министрлыгының матбугат хезмәте.

    «Гаризаларны кабул итү электрон рәвештә дәүләт хезмәтләре порталы аша, ата – аналарның мәгариф оешмасына шәхси мөрәҗәгате, заказлы хат белән, электрон формада – мәктәпнең электрон почтасы аша башкарыла», - дип билгеләп үттеләр министрлыкта.

    Гаризаның датасы һәм вакыты аның тапшыру ысулына карамастан, мәктәпкә алыну карарын кабул иткәндә исәпкә алына.

    Баланы беренче класска кабул итү турындагы күрсәтмә акты барлык гаризалар кабул ителеп беткәч, биш эш көне эчендә игълан ителә.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: