Аксубаево
  • Рус Тат
  • Татарстанда бердәм дәүләт имтиханнарына старт бирелде

    Бүген Россиядә география фәненнән сынау рәвешендә узган имтиханнан БДИның төп дулкыны башланды. Тик бүгенге сынау имтиханы балалар өчен түгел — оештыручылар өчен иде. Имтихан бирүчеләр арасында Татарстанның мәгариф һәм фән министры Рафис Борһанов та булды.

    Бүген Татарстанның һәр районында география фәненнән сынау рәвешендә бердәм дәүләт имтиханы оештырылды. ТР Премьер-министр урынбасары — мәгариф һәм фән министры Рафис Борһанов Казанның 87нче урта мәктәбендә сынау имтиханының барышын шәхсән үзе тикшерде.

    Сынау имтиханы быел беренче мәртәбә балалардан башка гына уздырыла. Чынлыкта, бу эш экспертлар һәм оештыручылар өчен мөһим. Чара мәктәпләрдә БДИ үткәрү өчен барысы да әзерме, эпидемиологик куркынычсызлык чаралары үтәләме, биремнәрне тапшыру технологиясе ничек эшли, һәм башка оештыру эшләрен тикшерү өчен кирәк.

    Быел Татарстанда имтиханнар 83 пунктта кабул ителәчәк. Бинага кергәндә медицина хезмәткәрләре барлык катнашучыларның һәм оештыручыларның контактсыз гына тән температураларын үлчәячәк. Катнашучылар арасында ераклык 1,5 метрдан ким булмаска тиеш, парта артында утыру зигзаг формасында булачак. Имтихан бирү бүлмәләре дезинфекцияләүче чаралар белән эшкәртелеп, җилләтеләчәк.

    «Шәхси саклану чараларына килгәндә, имтихан бирү бүлмәсенә кергәч, битлекләрне салырга рөхсәт ителәчәк. Оештыручылар, укытучылар шәхси саклану чараларыннан булачак», — дип хәбәр итте Мәгариф һәм фән министрлыгының матбугат хезмәте җитәкчесе Алсу Мөхәммәтова.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: