Аксубаево
  • Рус Тат
  • Татарстан Президенты каршындагы Телләр буенча яңартылган комиссиянең составы киңәйтеләчәк

    Яңа комиссиянең бурычы - Татарстан дәүләт хакимияте органнарының федераль һәм территориаль дәрәҗәдәге тиешле органнар һәм берләшмәләр белән хезмәттәшлек итүе.

    Татарстан Президенты каршындагы Татар телен саклау һәм үстерү мәсьәләләре буенча комиссиянең киңәюе көтелә. Яңа орган республика территориясендә яшәүче башка халыкларның телләрен саклау эшен үз эченә ала. ТР җитәкчесенең указы проекты Татарстан Хөкүмәте сайтында чыкты.

    Берләштерелгән комиссия төзү Татарстан Президенты каршындагы Татар телен саклау һәм үстерү мәсьәләләре буенча комиссия эшенә кагылышлы 2020 һәм 2021 еллардагы кайбер боерыкларны гамәлдән чыгарырга мөмкин.

    Яңа комиссиянең бурычы - Татарстан дәүләт хакимияте органнарының федераль һәм территориаль дәрәҗәдәге тиешле органнар һәм берләшмәләр белән хезмәттәшлек итүе.

    «Татарстан Президенты каршындагы Татар телен саклау һәм үстерү мәсьәләләре буенча комиссияне ТР Президенты каршындагы Татар телен һәм республикада яшәүче халыкларның туган телләрен саклау, үстерү мәсьәләләре буенча комиссиягә үзгәртергә», диелә ТР Президенты порталында чыккан боерык проектында.

    Аны, элеккеге кебек үк, ТР Дәүләт Советы Рәисе урынбасары Марат Әхмәтов җитәкләр дип көтелә, ә аның урынбасары шулай ук ТР Мәгариф һәм фән министры Илсур Һадиуллин булачак.

    Комиссия составына башкарма комитетлар, республика министрлыклары, ведомстволары, мәдәният, дин эшлеклеләре, Татарстан югары уку йортлары һәм массакүләм мәгълүмат чаралары вәкилләре, аерым алганда, «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев һәм башкалар керәчәк.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: