Аксубаево
  • Рус Тат
  • Табиб коронавирусны ачыклау өчен ышанычлы тестларны атады

    Бөтендөнья сәламәтлек саклау оешмасы COVID-19 авыруын ачыклау өчен ОТ-ПЦР нигезендәге тестларны «алтын стандарт» дип бәяләгән.

    «Медси» клиникалар челтәре медицина директорының лаборатор диагностика буенча урынбасары Ольга Калачева коронавирусны ачыклау өчен тестның ОТ-ПЦР методын «алтын стандарт» дип атады. 

    Коронавирусны ачыклауның молекуляр методларына ПЦР һәм LAMP-тест керә. Төп метод булып ОТ-ПЦР санала. Бөтендөнья сәламәтлек саклау оешмасы COVID-19 ачыклау өчен ОТ-ПЦР нигезендәге тестларны «алтын стандарт» дип бәяли. Бу хакта РИА Новости яза.

    ОТ-ПЦР технологиясе зур лабораторияләр өчен кулай, ул тәҗрибәле персонал булуны таләп итә, дип белдерә табиб. ОТ-ПЦР тикшеренүне 45 минутта башкарырга мөмкинлек бирә торган картридж форматындагы тест-системалар да бар. Тик алар кыйммәт тора һәм аларның җитештерүчәнлеге аз.

    Тест-системаның төгәллеге 99 процент белән бәяләнә. Ялган нәтиҗә күп очракта тикшеренү технологиясен төгәл үтәмәү һәм анализны дөрес итеп алмауга бәйле, дип нәтиҗә ясады Калачева.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: