Сыйфатлы азык-төлек кенә сатып алырга

Кулланучылар хокукларын яклау көне кысаларында Роспотребнадзор территориаль бүлегенең беренче разрядлы белгече Гүзәл Исмәгыйлева, Түбән Кама территориаль идарәсенең контроль-инспекция бүлеге эксперты Ирина Ершова, район икътисад бүлегенең җитәкче белгече Елена Лодоркина социаль объектларга рейдлар ясадылар.

1983 елның мартыннан башлап Россиядә ел саен кулланучылар хокукларын яклау көне билгеләп үтелә. Ел саен ул билгеле бер темага кагыла. 2025 елда бу көн тотрыклы яшәү рәвешенә күчүгә багышланган.

Кулланучылар өчен экологик яктан чиста һәм файдалы сәламәт продуктларны товарларны сайлап алу, әйләнә-тирә дөньяга нәтиҗәле һәм рациональ файдалануның зыян китермәве мөһим.

Роспотребнадзор, Дәүләт алкоголь инспекциясе һәм район Башкарма комитетының икътисад бүлеге вәкилләре азык-төлек кибетләрендә булдылар, сатып алучылар белән очраштылар һәм алар белән экологик чиста һәм файдалы продуктлар сайлау турында сөйләштеләр, гражданнарның хокуклары һәм механизмы турында мәгълүмат бирделәр, тематик белешмәлекләр тараттылар.

–Теләсә кайсы ситуациядә товарны сайлап алу катгый булырга тиеш, һәм товар сатып алганда сез аның сыйфатына ышанырга тиеш, – дип киңәш итте сатып алучыларга Гүзәл Исмәгыйлева. – Товар сатып алуга бәйле проблемалы хәл туса, аны чишү өчен сез Роспотребнадзорның территориаль идарәсенә, Дәүләт алкоголь инспекциясенә яки район икътисады бүлегенә мөрәҗәгать итә аласыз.

Рейдта катнашучылар шулай ук сатучылар, кибет директорлары белән әңгәмә кордылар, азык-төлек товарларын сату буенча таләпләрне искә төшерделәр.

Гүзәл Исмәгыйлова, Ирина Ершова һәм Елена Лодоркина бу көнне Күп функцияле үзәктә булдылар, район кешеләре белән очраштылар, аларның кулланучылар хокукларын яклау буенча сорауларына аңлатмалар бирделәр.