Аксубаево
  • Рус Тат
  • Сәламәтлек саклау министрлыгы алкоголь сату яшен арттырырга тәкъдим итте

    Сәламәтлек саклау министрлыгында «Этил спирты җитештерү һәм аның әйләнешен дәүләти җайга салу турында»гы законга төзәтмәләр әзерләгәннәр.

    Сәламәтлек саклау министрлыгы градусы югары булган исерткеч эчемлекләрне сату яшен 21 яшькә кадәр күтәрергә тәкъдим итте, дип яза «Известия» газетасы нәшрият карамагында булган документларга сылтама белән.

    Басма мәгълүматлары буенча, Сәламәтлек саклау министрлыгында «Этил спирты җитештерү һәм аның әйләнешен дәүләти җайга салу турында»гы законга төзәтмәләр әзерләгәннәр. Үзгәрешләр спирт күләме 16,5 проценттан артыграк булган эчемлекләргә кагыла.

    Билгеләп үтелгәнчә, хәзерге вакытта проект «регулятор гильотинасы» буенча эшче төркем бәяләмәсен уза һәм Хөкүмәтнең закон проекты эшчәнлеге комиссиясендә тикшерүгә әзерләнә. Анда проектны Дәүләт Думасына тапшыру турында карар кабул итәчәкләр.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: