Аксубаево
  • Рус Тат
  • Сергей Абруковның кече ватанында туган якны өйрәнү музее булдырылды

    Кече Сөнчәле авылында С.А. Абруков исемендәге туган як тарихын өйрәнү музее ачыла.

    Атаклы Совет һәм Россия галим-физигы, физика һәм математика фәннәре докторы, профессор Сергей Абруков истәлегенә аның туган авылында тирән ихтирам белән карыйлар. Ул Бөек Ватан сугышы фронтларында фашистларга каршы көрәшә, сугыштан соң фәндә зур биеклекләргә ирешә алды – аның исәбендә 200дән артык фәнни эш, шул исәптән 3 монография һәм 8 уйлап табу эшләре.

    Сентябрьдә галимнең тууына 100 ел тулды. Кече Сөнчәле авыл мәдәният йортында данлыклы якташлары исемендәге туган якны өйрәнү музее булдырырга карар кылганнар.

    Музейда нигез салынганнан алып авылның тарихы тупланган. Биредә Кече Сөнчәле авылы халкы бүгенге көнгә кадәр саклап калган крестьяннарның борынгы көнкүреше предметлары тупланган. Күренекле галим Сергей Абруковның ата-бабалары авылга нигез салучылар булганнар. Музейда аның тормышы, фәнне үстерү белән бәйле бай материал (кулъязмалар, дипломнар, архив документлары, шәхси әйберләр, аларны Сергей Андреевичның гаилә әгъзалары тапшырган) урын алган.

    Музей 22 сентябрь көнне 11:00 сәгатьтә Кече Сөнчәле авыл мәдәният йортында ачылачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: