Аксубаево
  • Рус Тат
  • Самбо – яшәү мәгънәсе

    Спорт – ул рухны күтәрү, физик форманы саклау һәм сәламәтлекне ныгыту өчен кирәк, ул ихтыяр көче һәм холык тәрбияли.

    Тренер Александр Скворцов тәрбияләнүчеләре әнә шулай дип саный. Көрәш буенча тренер Александр Скворцов алга таба көрәш келәмендә уңышларга ирешкән күп спортчылар тәрбияләде. Шуларның берсе Андрей Андреев.

    Егет мәктәпне ике ел элек тәмамлаган. Спорт белән алты яшеннән шөгыльләнә башлый. Башта мавыгу гына булса, хәзер исә профессиональ спортка әверелгән.

    Ни өчен нәкъ менә самбоны сайладың, дигән сорауга, Андрей болай дип җавап бирде: «Абыем мәктәптә укыганда хәрби самбо белән шөгыльләнә башлады. Мин аны күзәттем һәм, аның ничек ныгуын, физик яктан көчле була баруын күрдем. Моннан тыш, спортның бтөрендә берничә дистә спорт һәм милли көрәш алымнарын, шулай ук төрле саклану системаларын үзләштерергә мөмкин. Шуңа күрә сайлавым ачык иде».

    Сүз уңаеннан, Андрейның абыйсы – Сергей Овчинников, хәрби самбо буенча спорт мастеры. Ул үзенең спорт юлын мәктәп елларында башлый. 3 нче мәктәпне тәмамлый, аннары спорт белән профессиональ дәрәҗәдә шөгыльләнә башлый, бу исә бүген аны күпсанлы җиңүләргә алып килә.

    Шушы көннәрдә Сергей Россия герое Юрий Климов истәлегенә самбо буенча «Кубок Сибири» Бөтенроссия турнирында катнашты. Ярышлар Новосибирскида узды. Үзенең үлчәм категориясендә яшь егет өченче урынны яулады. Ә Татарстан җыелма командасы икенче гомумкоманда урынын алды.

    Әлеге ярышлар белән параллель рәвештә, берничә көн дәвамында Кстово каласында 16-18 яшьлек егетләр арасында сугыш самбосы буенча Россия беренчелеге үтте. Медаль өчен илнең 28 төбәгеннән 141 спортчы көч сынашты. Республиканы безнең районда туып үскән, 3 нче мәктәпнең чыгарылыш укучысы Андрей Андреев тәкъдим итте. Үз авырлык категориясендә егет бронза медаль алды.

    Андрей Әлмәт физик культура көллиятендә белем ала. Беренче курста ул кыйммәтле тәҗрибәгә туплады – кече төркемнәрдә күнегүләр үткәрде. Хәзер исә ул, күбрәк вакытны күнегүләргә бирү өчен, индивидуаль уку графигына күчәргә планлаштыра. Сүз уңаеннан, Андрей Казандагы спорт мәктәбендә шөгыльләнә, күнегүләр атнасына биш тапкыр. Аның төп тренеры – Василий Иванов.

    Андрей – атказанган спорт мастерына кандидат, самбо буенча республик җиңүчесе. Ул ТР беренчелеге ярышларында күптапкыр призлы урыннар яулаган. Кстовода узган  беренчелек аңа чираттагы җиңү алып килде – ул Россия беренчелегенең бронза призеры булды.

    – Мин бу спорт төренә җитди карыйм, үземне тулысынча аңа багышлыйм. Югары нәтиҗәләргә ирешермен дип өметләнәм, – ди спортчы. – Самбо дөнья күрү мөмкинлеге бирә, чын дуслар табарга ярдәм итә. Үзеңнең көндәшеңә хөрмәт күрсәтмәсәң, көрәштә уңышларга ирешү мөмкин түгел. Самбо минем өчен профессиональ спортка, яшәү мәгънәсенә әверелде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: