Аксубаево
  • Рус Тат
  • Рөстәм Миңнеханов Covid-19 таралуын кисәтү максатыннан язгы ярминкәләрне туктатты

    Барлык азык-төлек кибетләре штатлы режимда эшли.

    Татарстан Республикасы Президенты Рөстәм Миңнеханов республикада 28 мартка планлаштырылган язгы ярминкәләрне Covid-19 коронавирусы таралуын кисәтү максатында гамәлдән чыгарырга кушты. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

    «Ярминкәләр, гадәттәгечә, бик күп кешеләрне җыя, нигездә, олы яшьтәге кешеләрне. Килеп туган вазгыятьтә кешеләр тормышына куркыныч янарга тиеш түгел», — диде ул.

    Матбугат хезмәте җитәкчесе сүзләренчә, халыкны азык-төлек һәм беренче чиратта кирәкле товарлар белән тәэмин итә торган барлык кибетләр штатлы режимда эшли.

    «Оператив штаб хезмәткәрләре тарафыннан продуктларның тулы күләмдә булуына мониторинг алып барыла, мәсьәлә республика Президенты контролендә», — дип искәртте «Татар-информ» әңгәмәдәше.

     

    Чыганак: tatar-inform.tatar

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: