Аксубай

Аксубай районы

18+
Рус Тат
2024 - год Семьи
Соңгы яңалыклар

Россиядә юллар сыйфаты буенча рейтингта Татарстан 18нче урынны алды

Аерым алганда, беренче урынны алган Мәскәүдә юлларның 97,5 проценты норматив таләпләргә туры килә.

Татарстан Россиянең 85 субъекты арасында юллар сыйфаты буенча рейтингта 18нче урынны алды. Республикада норматив таләпләргә җавап бирә торган төбәк, муниципаль һәм җирле әһәмияттәге автомобиль юллары өлеше 62 процент тәшкил итә, диелә РИА Новости тикшеренүендә.

«Россия төбәкләрендә иң сыйфатлы юллар Мәскәү һәм Ханты-Манси автономияле округында булып чыкты, исемлек ахырында Архангельск һәм Киров өлкәләре тора», – диелә хәбәрдә.

Аерым алганда, беренче урынны алган Мәскәүдә юлларның 97,5 проценты норматив таләпләргә туры килә. Икенче урынны алган Ханты-Манси автономияле округында юлларның 87,1 проценты нормативларга җавап бирә, ә өченче позициядә булган Краснодар краенда андый юллар 84,5 процент.

Лидерлар бишлегенә шулай ук Ингушетия (82,2%) һәм Чиләбе өлкәсе (81,4%) кергән. Рейтингның соңгы баскычларында урнашкан Киров һәм Архангельск өлкәләре күрсәткечләре 22 һәм 10,3 процент дәрәҗәсендә.

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев