Аксубай

Аксубай районы

18+
Рус Тат
2024 - год Семьи
Соңгы яңалыклар

Россиядә тәүлек эчендә коронавирусның 1175 яңа очрагы ачыкланган

Бер тәүлек эчендә Россиянең 56 төбәгендә коронавирусның 1175 яңа очрагы расланган, 5 үлем очрагы теркәлгән, 86 кеше дәваланган.

Узган тәүлектә Россиядә 56 төбәктә коронавирус белән зарарлануның 1175 яңа очрагы ачыкланган. Бу хакта инфекциянең таралуын кисәтү буенча оператив штаб хәбәренә сылтама белән «Известия» яза.

«56 төбәктә коронавирусның 1175 яңа очрагы расланган, 5 үлем очрагы теркәлгән. Бер тәүлек эчендә Россия буенча 86 кеше тулысынча терелгән», - диелә хәбәрдә.

Мәскәүдә яңа авыруларның иң күп саны теркәлгән - алар 660. Аннары Мәскәү өлкәсе (95), Санкт-Петербург (34), Ленинград өлкәсе (32) һәм Марий Эл Республикасы (27) бара. Башка төбәкләрдә 25 һәм аннан да кимрәк яңа очрак ачыкланган.

Шулай итеп, илдә авыручыларның гомуми саны 8672 гә җиткән. Инфекция 81 төбәктә ачыкланган. Бу вакыт эчендә 63 үлем очрагы теркәлгән, 580 кеше терелгән.

25 мартта Россия Президенты Владимир Путин 30 марттан 5 апрельгә кадәрге атнаны эш көннәре булмаган ял көннәре дип игълан итте. Соңрак эш көннәре булмаган режим 30 апрельгә кадәр озайтылды. Мондый карар коронавирус инфекциясе таралу тизлеген киметү өчен кабул ителгән иде.

29 мартта Мәскәү һәм Мәскәү өлкәсе хакимиятләре яшькә карамастан, барлык халык өчен мәҗбүри үз-үзеңне изоляцияләү режимын кертте. Алга таба мондый чикләү чараларын илнең башка төбәкләрендә дә керттеләр.

Коронавирус вазгыяте буенча барлык актуаль мәгълүматны стопкоронавирус.рф һәм доступвсем.рф сайтларында, шулай ук #МыВместе хештегы буенча карарга була. Коронавирус сораулары буенча «кайнар линия» телефоны: 8 (800) 2000-12. 

 

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X