Аксубаево
  • Рус Тат
  • Россиядә гыйнварда шикәр комының бәясе төшкән

    Бер килограмм шикәр комының күпләп сатуда бәясе 36 сум, ә азлап сатуда 46 сум.

    Россиядә гыйнвар аенда шикәр комының бәясе төшкән. Ә гыйнварның 11 көнендә үсемлек мае, йомырка һәм бодай оны кыйммәтләнгән. Бу турыда Росстат материалларына сылтама белән РИА Новости хәбәр итә.

    Россия Хөкүмәте декабрьдә азык-төлеккә бәя арту белән бәйле чаралар комплексын игълан итте. Алар арасында шикәр комына һәм үсемлек маена бәяләрне тотрыклы итү турында килешү дә бар, ул 2021 елның 1 апреленә кадәр гамәлдә булачак.

    Килешүдә бер килограмм шикәр комының күпләп сатуда бәясе 36 сум, ә азлап сатуда 46 сум, үсемлек маеның литры 95 сум (110 сум) сум булуы язылган.

    Килешү төзегәннән соң шикәр комы һәм май арзанайган. Бәяләр 15-21 декабрьдә һәм 22-28 декабрьдә төшкән. Шикәр комының бәясе 1 гыйнвардан 11 гыйнварга кадәр дә арзанайган.

    Россиянең 56 төбәгендә шикәр комының бәясе 0,1-1,5 процентка, 12 субъектта 1,6-3,8 процентка, 9 төбәктә 0,1-6,7 процентка төшкән, ә сигез төбәктә бәя үзгәрмәгән.

     

     

    Чыганак: tatar-inform.tatar

    Фото

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: