Россия мәктәпләрендә бертуган балаларның бергә уку хокукы рәсми рәвештә расланды

Владимир Путин шул турыдагы законга кул куйган. Бу документ хокукый мәгълүмат рәсми интернет-порталында басылып чыккан.

Документтан аңлашылганча, кечкенә балаларны бакча һәм мәктәпкә урнаштырган вакытта, беренче чиратта, абый-апалары укый торган учреждениеләргә өстенлек биреләчәк.

Бу - балалы гаиләләргә дәүләт ярдәме күрсәтү, гаиләне ныгыту, күпбалалык институтын камилләштерүдә зур роль уйнаячак, диелә хәбәрдә.

Чыганак: tatar-inform.tatar