Россия Кораллы Көчләре сафларыннан демобилизацияләнгән Аксубай солдатларын ветераннар каршы ала

Районда беренчеләрдән булып туган авылларына Евгений Тиманов (Яңа Чуаш Адәмсуыннан) һәм Сергей Егоров (Емелькинодан) әйләнеп кайттылар. Солдатларны әти-әниләре һәм якыннары белән бергә Аксубай районының “Сугыш хәрәкәтләре һәм хәрби хезмәт ветераннары бердәмлеге” ветераннар иҗтимагый оешмасы вәкилләре дә каршы алды.

Ветераннар хәрәкәте җитәкчесе Виталий Маркин егетләрне җылы сәламләде, хезмәт көннәре, киләчәккә планнары белән кызыксынды. Ул билгеләп үткәнчә, демобилизацияләнгән солдатларның бердәмлекне тулыландыруы ветераннар иҗтимагый хәрәкәтенә яңа импульс бирәчәк.