Россия Әфганстанга гуманитар ярдәм җибәрәчәк
Тәһранда узган очрашуда Россия Тышкы эшләр министры медикаментлар, азык-төлек һәм беренче чиратта кирәкле товарлар кергән гуманитар ярдәм җибәреләчәген әйтте.
Россия Әфганстанга медикаментлар, азык-төлек һәм беренче чиратта кирәкле товарлар кергән гуманитар ярдәм партиясен җибәрергә ниятли, дип белдерде Россия Тышкы эшләр министры Сергей Лавров. Бу хакта РИА Новости хәбәр итә.
«Озакламый әфган партнерларына азык-төлек, медикаментлар һәм беренче кирәкле товарлардан торган гуманитар ярдәм партиясен җибәрергә җыенабыз», - дип хәбәр итте министр Тәһранда узган Әфганстан күршеләре (Россия, Кытай, Иран, Пакистан, Таҗикстан, Төрекмәнстан, Үзбәкстан) белән очрашуда.
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев