Аксубаево
  • Рус Тат
  • Пенсия фонды Россия халкына апрель ае өчен пенсия һәм пособиеләр күчерде

    Пенсияләрне һәм пособиеләрне вакытыннан алда күчерү коронавирус инфекциясе таралуга каршы көрәш чаралары белән бәйле.

    Россия Пенсия фонды Бөек Ватан сугышы ветераннарына Җиңүнең 75 еллыгына түләүләрне дә кертеп, апрель ае өчен пенсия һәм пособиеләрне билгеләнгән вакыттан алданрак күчерде. Бу хакта Россия Пенсия фонды матбугат хезмәтенә сылтама белән ТАСС хәбәр итә.

    «Россия Президенты указы нигезендә 30 марттан 3 апрельгә кадәр эшләми торган атна булганлыктан, Россия Пенсия фонды пенсия түләү оешмаларына апрель аена пенсияләр һәм пособиеләр түләүне вакытыннан алда башкару өчен акча күчерде», — дип аңлаттылар фондның матбугат хезмәтендә.

    Аерым алганда, 26 мартта Россия Пенсия фонды «Россия Почтасы»на һәм калган оешмаларга 30 марттан 8 апрельгә кадәр булган түләүләр өчен 113,2 млрд сум акча күчергән. Шуларның 17,7 млрд сумы Бөек Ватан сугышында Җиңүнең юбилей елы уңаеннан ветераннарга бер тапкыр бирелә торган түләүләр өчен билгеләнгән.

    Икенче көнне, 27 мартта, фонд банкларга — 1-12 апрель вакытында һәм «Россия Почтасы» на 9-12 апрель вакытындагы түләүләрне оештыру өчен 356 млрд сум акча җибәрде. Шулай итеп, алдан финанслауның гомуми күләме 469,2 млрд сум тәшкил итә.

    Элегрәк «Татар-информ» хәбәр иткәнчә, Россиядә киләсе атна Россия Президенты Владимир Путин указы нигезендә эшләми торган атна дип игълан ителде. Бу чара яңа типтагы Covid-19 коронавирусының тиз таралу куркынычын булдырмаска тиеш. 

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: