Аксубаево
  • Рус Тат
  • Педагогның шәхес булуы да үз ролен уйный

    Савгач мәктәбенең тормыш иминлеге нигезләре укытучысы Анатолий Охотников патриотик тәрбия бирүгә үз өлешен кертә.

    Бүген патриотик тәрбия турында иң югары трибуналардан сөйлиләр. Бу аңлашыла да, чөнки хәзер җәмгыятьне берләштерү мәсьәләсе кискен тора.

    Ә ватанпәрвәрлек – ул берләшүгә яхшы ярдәм итә. Безнең җәмгыятьнең иртәгә нинди булачагы, аның бүген кемне тәрбияләвенә бәйле.

    – Җәмгыятьтә патриотизм хисен торгызу бүген, хәзер үк мөһим, – ди Савгач урта мәктәбенең тормыш иминлеге нигезләре укытучысы Анатолий Охотников. – Тормыш иминлеге нигезләре дәресләренең төп бурычы укучыларны тормыш куркынычсызлыгына өйрәтү булса да, патриотик аңны исәпкә алмыйча, ул мәгънәсез. Ягъни, минем фикеремчә, тормыш иминлеге нигезләрен укытуның максаты – даими үзгәреп торучы дөньяда яраклашырга сәләтле физик һәм әхлакый яктан алга киткән яшьләрне әзерләү генә түгел. Иң мөһиме – аларны Ватанга тугры, ышанычлы итеп тәрбияләү. Әйе, бу җиңел түгел, шулай да мөмкин. Проблема шунда ки, бүгенге укучыларның аңына һәм хисләренә йогынты ясауның яңа ысулларын эзләргә кирәк.

    Мәктәптә бу эшнең уңышлы башкарылуы турында укучыларның һәм укытучының район һәм республика дәрәҗәсендәге төрле бәйгеләрдә катнашып, күп санлы грамоталарга лаек булулары сөйли.

    Савгач урта мәктәбендә тормыш иминлеге нигезләре буенча дәресләрдә укучылар хәрби хезмәт үзенчәлекләре белән танышалар, солдат вазыйфаларын үтәргә әзерләнәләр, армиядә хезмәт итүнең үзенчәлекләрен үзләштерәләр, үзләрендә Ватан сакчысына хас сыйфатлар тәрбиялиләр. Биредә һәр тема буенча хәрби хәрәкәтләр шартларында һәм тыныч шартларда сугышчылар тормышыннан материаллар кулланырга тырышалар, Россия Армиясенең батыр үткәне мисалларын кулланалар.

    Укытучыга ТИН кабинетында булдырылган музей почмагы да ярдәм итә. Биредә сугыш һәм хезмәт ветераннары, көч структуралары хезмәткәрләре, хәрби училище студентлары белән очрашулар уза. Анатолий Михайлович үзенең дәресләрен коткаручы, хәрби, полиция хезмәткәре кебек һөнәрләргә кызыксыну уятырлык итеп оештыра. Әмма укучыларда патриотик аңлылык үстерүне түбән сыйныфлардан ук башларга кирәк, дип саный педагог. Бу, нигездә, батырлык дәресләре, алар малайларда зур кызыксыну уята.

    Билгеле булганча, педагогның шәхес булуы да бик күпне хәл итә. Ватанпәрвәрлек хисләре тәрбияләүдә Анатолий Охотниковка хәтта үз куллары белән булдырган шахмат клубы да ярдәм итә.

    Аның картиналары мәктәпнең баскыч мәйданчыкларын, кабинетларны, ашханә диварларын бизәп тора. Хәтта дәрестән тыш вакытта да педагог һәрвакыт балалар янәшәсендә. Һәм бу күп нәрсә турында сөйли.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: