Аксубаево
  • Рус Тат
  • Ольга Калашникова: «Без заман таләпләренә туры килергә тиеш»

    Россиянең Дәүләт учреждениеләре һәм иҗтимагый хезмәт күрсәтү хезмәткәрләре һөнәри берлегенең Татарстан республика оешмасы рәисе Ольга Калашникова катнашында Аксубай районы дәүләт учреждениеләре хезмәткәрләренең профсоюзлар активы конференциясе булып узды.

    Конференциядә район дәүләт учреждениеләрендә профсоюзлар хәрәкәтен үстерү буенча мөһим мәсьәләләр, аспектлар каралды. Дәүләт учреждениеләре һәм иҗтимагый хезмәт күрсәтү хезмәткәрләре профсоюз оешмалары эшчәнлеге нәтиҗәләре белән республика профсоюзлары комитетының Аксубай районындагы ышанычлы вәкиле Радик Мостафин чыгыш ясады.

    – Соңгы биш елда һөнәри берләшмәдә торучы 5 башлангыч оешмадан 35кә кадәр артты, профсоюзларның гомуми исәбе 568 хезмәткәр тәшкил итте. Безнең эш нәтиҗәсе – күз алдында, – дип ассызыклады ул.

    Чыгыш ясаучы, башлангыч оешмалар профсоюз һәм профактив коллектив әгъзаларының проблемалы мәсьәләләрен чишүдә җанлы катнаша, мәдәни-күләмле, спорт чараларын оештыруда һәм үткәрүдә, санаторий-курорт һәм сәламәтләндерү юлламалары сатып алуда ярдәм итә, дип билгеләп үтте.

    Чыгыш ясаучы билгеләп үткәнчә, алга таба үсеш, район профсоюзлар оешмасы эшен активлаштыру өчен бөтен мөмкинлекләр дә бар.

    «Юность» универсаль спорт залы башлангыч профсоюз оешмасы эше турындагы хисап белән аның лидеры Светлана Ионова чыгыш ясады, Федоровка өлкәннәр һәм инвалидлар өчен интернет-йортында профсоюзлар эшенең ничек оештырылуы турында Лилия Шагиева сөйләде.

    Профсоюзларның республика комитеты җитәкчесе Ольга Калашникова үз чыгышын республика профсоюз органнары сайлау нәтиҗәләренә багышлады.

    «Профсоюз – дәүләт учреждениеләре хезмәткәрләренең һөнәри, хезмәт һәм социаль-икътисадый мәнфәгатьләрен һәм хокукларын тәкъдим итәргә һәм якларга сәләтле оешма, – дип ассызыклады ул. – Соңгы елларда республика җитәкчелеге ярдәме белән без әлеге юнәлештә бик күп эш башкардык. Без заман таләпләренә туры килергә тиеш. Алга таба эшләү өчен энтузиазм, идеяләр кирәк – бу алга таба хәрәкәт».

    Конференциядә иң актив профсоюз хезмәткәрләре лаеклы бүләкләр алдылар. Социаль партнерлык, хезмәттәшлекне үстерүгә керткән шәхси өлеш өчен район башлыгы Камил Гилманов республика комитетының Мактау грамотасы белән бүләкләнде. Профсоюзларның республика комитеты Мактау кәгазьләрен шулай ук Радик Мостафин, «Юность» УСЗның баш хисапчысы Евгения Садыйкова, Трудолюбово авыл җирлеге башлыгы Светлана Тарасова, Федоровка картлар һәм инвалидлар өчен интернат-йорты фельдшеры Лилия Шагиева, «Хыял» социаль приюты педагаог-психологы Юлия Мишина алды.

    Нәтиҗәле хезмәттәшлеге һәм профсоюзлар эшчәнлегенә ярдәм күрсәткәне өчен Ольга Калашникова район башлыгының Рәхмәт хатына лаек булды. Һөнәр берлегендә нәтиҗәле хезмәте һәм профсоюзлар хәрәкәтен үстерүгә керткән шәхси өлеше өчен Радик Мостафинга район башлыгының Рәхмәт хаты тапшырылды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: