Аксубаево
  • Рус Тат
  • Мәгариф министрлыгы уку елын 1 сентябрьдән традицион форматта башларга планлаштыра

    Мәктәпләрдә уку процессын оештырганда санитар-эпидемиологик саклану чаралары көчәйтеләчәк.

    Россия Мәгариф министрлыгы яңа уку елын 1 сентябрьдән традицион форматта башларга планлаштыра. Бу хакта Россия мәгариф министры Сергей Кравцов «Россия 24» каналы эфирында әйтте.

    «Балалар мәктәпкә барачак, без моңа әзерләнәбез. Балалар үзләре дә әзерләнә, алар мәктәпне сагынган. Укытучылар да әзерләнә, алар үз укучыларын күрергә тели. Әлбәттә, вазгыятьне исәпкә алып, без эпидемиологик саклану чараларын көчәйттек. Бүген бу эш төбәкләр белән башкарыла», — диде Сергей Кравцов.

    Россия төбәкләрендәге, шул исәптән Татарстандагы мәктәпләр дә Covid-19 аркасында 6 апрельдән дистанцион укытуга күчте. Республикада уку елы май ахырында тәмамланды. 

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: