Марат Әхмәтов Миңнехановның 10 еллык җитәкчелек эшчәнлеге хакында: “Бу масштаблы иҗат еллары булды”

Соңгы ун ел Татарстан өчен ТР Президенты Рөстәм Миңнеханов җитәкчелегендә күләмле чәчәк ату һәм үсеш еллары булды, чөнки республика җитәкчелеге командасы даими яңарып тора, ә икътисадый күрсәткечләр үсә. Татарстан Дәүләт Советы Рәисе урынбасары Марат Әхмәтов «Татар-информ» мәгълүматлар агентлыгына шундый фикерен белдерде.

«Бу хакимият дәвамчанлыгының яхшы үрнәге, команда сакланды һәм даими яңарып тора. Бу масштаблы иҗат еллары булды», - дип билгеләп үтте Әхмәтов.

Әлеге еллар эчендә Татарстан бюджеты керемнәре ике тапкырга диярлек арткан. 2010 елда бюджетның керем өлешен 140 млрд сумга якын итеп бәяләгән булсалар, 2020 елга планнарда 270 млрд сум тәшкил итәчәк.

«Икътисадта тулай төбәк продуктын, республика бюджеты керемнәрен, республиканың тотрыклылыгын чагыштырырга кирәк. Без 2010 елда старт алган һәм хәзерге күрсәткечләр, узган 10 елның үсеш һәм чәчәк ату чоры булуы хакында ачык сөйли», - дип ассызыклады Әхмәтов.

Рөстәм Миңнеханов Президент вазыйфасына нәкъ менә 10 ел элек — 2010 елның 25 мартында кереште. Моңа кадәр ул республиканың Премьер-министры иде.