Марат Җәббаров машина-трактор паркларын капиталь ремонтлау һәм авыл хуҗалыгы техникасын ремонтлау турында сөйләде

Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров машина-трактор парклары объектларын капиталь ремонтлау программасын гамәлгә ашыру, техниканы кышкы саклауга кую һәм авыл хуҗалыгы техникасын ремонтлау турында сөйләде.

Барлык муниципаль районнар белән видеоконференция режимындагы киңәшмәне Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин катнашты.

Министр хәбәр итүенчә, 2016 елдан 2020 елга кадәр машина-трактор паркларын капиталь ремонтлау программасы ярдәмендә эшләр хакының 30%ына субсидия белән 307 ремонт-механика остаханәсе, авыл хуҗалыгы машиналарын һәм гаражларны ремонтлау һәм көйләү пунктлары ремонтланган, бу барлык саннан 23% тәшкил итә. Бу максатларга республика бюджетыннан 242,4 млн. сум бүлеп бирелгән, шулай ук 562,6 млн. сум күләмендә авыл хуҗалыгы товарлары җитештерүчеләрнең үз акчалары тотылган.

Әтнә, Саба, Арча, Балтач һәм башка районнардагы МТП объектларын капиталь ремонтлауга зур игътибар бирелә. Төзекләндерелгән МТП территориясе, персонал өчен уңай эш урыннары һәм техниканы саклау өчен капиталь ремонтланган остаханәләре булган хуҗалыклар яшьләрне үзләренә җәлеп итә, кадрларның агымын тоткарлый һәм кертелгән бюджет субсидияләренең нәтиҗәлелеген күрсәтә", - диде Марат Җәббаров.

Министр техниканы кышкы саклауга кую мәсьәләләренә аерым тукталды. 9 ноябрьдән 13 ноябрьгә кадәр барлык районнарда авыл хуҗалыгы машиналарын саклауга кую һәм 2021 елгы кыр эшләренә әзерлек буенча конкурслар узды. Ул искәртеп узганча, дөрес консервацияләү һәм техниканы ярты ел дәвамында саклау МТПның сезонлы эшләргә югары техник әзерлеген 90% дәрәҗәсендә тәэмин итә.

Техниканы саклауга кую чараларын кыр эшләренә вакытында әзерләнүгә юнәлдерелгән тулы бер бурычлар комплексы тәшкил итә. Болар – техниканың җитешсезлекләрен ачыклау, механизаторларның һәм ремонтчыларның көзге-кышкы чорда эш белән тәэмин ителеше, запас частьләр өчен сезонлы ташламалардан файдалану, заказлар урнаштыру, запас частьләр һәм комплектлау әйберләре өчен шартнамәләр төзү.

Техниканы ремонтлауга килгәндә, 2020-2021 елларда көзге-кышкы ремонт чорында 9,9 мең тракторга, 5,3 мең бөртекле ашлык чәчкечкә, 4,8 мең культиваторга, 521 чәчү комплексына, 773 катнаш агрегатка һәм башка авыл хуҗалыгы техникасыга көндәлек һәм капиталь ремонт ясалдырга тиеш. Җитешсезлекләрне ачыклау ведомстволары нәтиҗәләре буенча, техниканы кыр эшләре сезонына әзерләүгә республика буенча 3,7 млрд.сум акча кирәк булачак, шул исәптән язгы кыр эшләренә - 2 млрд. сум. Бүгенге көндә 655 млн.сумлык запас частьләр сатып алынган, ягъни кирәк булганның 33%ы. 20 ноябрьгә тракторлар фаразланганнан 44% ремонтланды, чәчкечләр - 35%, чәчү комплекслары - 40%, культиваторлар - 34%.

Район башлыкларына һәм авыл хуҗалыгы товар җитештерүчеләренә мөрәҗәгать итеп, Рөстәм Миңнеханов, техниканы вакытында карау һәм аңа игътибарлы булу аның киләсе кыр эшләренә әзерлек нигезен тәшкил итә, дип билгеләп үтте. «Без кайбер хуҗалыкларның үз техникаларына җавапсыз карауларын күрәбез. Техниканы сезонлы саклауга һәм планлы ремонтка куймыйча, бу хуҗалыклар аннары зур чыгымнар тотарга мөмкин. Авыл хуҗалыгы техникасына зур акчалар тотыла. Шуңа күрә бу мәсьәләләргә игътибарлы булырга кирәк», - дип ассызыклады Татарстан Республикасы Президенты.

Чыганак: agro.tatarstan.ru