Аксубаево
  • Рус Тат
  • Максим Шевченко: «Татарстан - ул тотрыклылык утравы»

    Республика икътисадта башка регионнар, милләтара татулык һәм традицияләрнең буыннан-буынга саклануы буенча үрнәк булып тора.

    ТР Президенты Рөстәм Миңнеханов үткәргән курс нәтиҗәсендә Татарстан тотрыклылык, икътисадый һәм милләтара иминлек үрнәге булды. «Татар-информ» мәгълүмат агентлыгы белән әңгәмәдә Россия сәясәтчесе, журналист һәм җәмәгать эшлеклесе Максим Шевченко шундый фикер әйтте. Ул республиканың узган унъеллыктагы өч төп моментны билгеләп үтте.

    "Беренчедән, бу, һичшиксез, икътисади казанышлар. Татарстан - республика җитәкчелеге позициясе аркасында, деиндустриальләштерүгә дучар булмаган үзәк булып кала бирә. Бүген конкурентлыкка сәләтле продукция чыгаручы эре гигант предприятиеләр сакланып калды. Илдә башка шундый төбәкләрне мин белмим ", - дип уртаклашты Шевченко.

    Рөстәм Миңнеханов каршындагы республиканың тагын бер төп казанышы –ул милләтара мөнәсәбәтләрдә балансны һәм татулыкны саклап калу.
    «Татарстан Евразия дөньясының үрнәге булып тора, анда төрле халыклар һәм цивилизацияләр бергә тату яши - дип билгеләп үтте Максим Шевченко.

    Аның сүзләренә караганда, республикада узган чорлардан сакланып килгән дәвамлылык тагын бер мөһим вакыйга булып тора.
    «Мин Татарстанның дәвамчанлыкны саклавын күрәм. Мәсәлән, Рөстәм Миңнеханов аны республика дәүләт киңәшчесе вазыйфасын биләгән Минтимер Шәймиевкә карата саклый. Өлкән буынның төбәкнең уңышлы үсеше өчен үз тәҗрибәсен тапшыруы бик мөһим. Минемчә, бу бөтен ил өчен үрнәк – акыллы сәяси система үрнәге. Гореф-гадәтләрнең һәм хакимиятнең дәвамчанлыгы булмаган җәмгыять тотрыклылыктан мәхрүм ителә. Шуңа күрә бүген Татарстан-тотрыклылык утравы", - дип тәмамлады сүзен Максим Шевченко.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: