Аксубаево
  • Рус Тат
  • Кышын – чаңгы, җәен – волейбол

    Аксубай урманчылыгы хезмәткәрләре ТАССРның 100 еллыгына һәм Татарстан Республикасы көненә багышланган волейбол буенча ачык турнир үткәрделәр.

    Урман хезмәткәрләре коллективының кыш көне ак кар өстендә чаңгы ярышлары, җәй көне волейбол ярышлары үткәрү традициясе бар. Чираттагы спорт бәйрәмен Ибрай участок урманчылыгы мәйданында оештырдылар. Анда урманчылык аппараты, Аксубай, Ибрай, Чабаксар участок урманчылыклары командалары катнашты.
    Волейбол ярышлары мавыктыргыч үтте.

    Урман тармагы эшчеләре җитезлек, төгәллек, командада эшли белү кебек чын спорт сыйфатларын күрсәттеләр. Нәтиҗәдә, иң күп очконы Аксубай участок урманчылыгы дружинасы җыйды, икенче һәм өченче призлы урыннарны Чабаксар урманчылыгы һәм урманчылык аппараты командалары үзара бүлеште. Ярышларда катнашучылар грамоталар һәм истәлекле бүләкләр, ә иң мөһиме – онытылмаслык хисләр һәм күңел күтәренкелеге алдылар.

    Фото: Аксубай урманчылыгы архивыннан.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: