Аксубаево
  • Рус Тат
  • Күрсәтмә мастер-класс

    2020 ел спорт Декадасы кысаларында Иске Тимошкино мәктәбендә 2007 елда туган һәм яшьрәк малайлар һәм кызлар арасында Кыш бабай призына бадминтон буенча район беренчелеге узды

    . Бадминтон буенча Татарстан җыелмасы составына кергән Никита Мулеев белән мастер-класслар һәм күрсәтмә уен әлеге төр уенны яратучы яшь спортчылар өчен чын бәйрәмгә әйләнде.

    Турнир ике төркемдә үтте: А төркеме – алга таба республика ярышларында катнашу өчен иң көчле бадминтончыларны сайлап алу, Б төркеме – бадминтонны районда популярлаштыру һәм пропагандалау максатыннан.

    Б төркеме ярыш нәтиҗәләре буенча малайлар арасында беренче урынны Руслан Пименов яулады, икенче урында - Рамил Шәйхисламов, өченче урын Семен Макаркинга бирелде. Әлеге категориядәге кызлар арасында беренче урынны Майя Якимова алды, Алина Анорьева көмеш призер булды, Агата Леонтьева өченче урынга чыкты. А төркеме финалында районның иң көчле ике бадминтончы кызы - Надежда һәм Анастасия Аниськиннар очрашты.

    Һәм киеренке көч сынашуда Надежда җиңүгә иреште. Оксана Ашаева - мактаулы өченче урында. Малайлар арасындагы финал көрәше дә ярышларның матч-бизәге булды, Вадим Мулеев лидерлыкны яулады, Владимир Ястребов – икенче, Станислав Иванов өченче урыннарда.
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: